*અન્ય એશિયન કરન્સીમાં રિકવરી વચ્ચે મંગળવારે ભારતીય રૂપિયો યુએસ ડોલર સામે નજીવો ઊંચો ખૂલ્યો હતો. સ્થાનિક ચલણ 83.11 ના પાછલા બંધની સરખામણીએ ડોલર દીઠ 83.08 પર ખુલ્યું.
આજે શેરબજારમાં થોડી તેજી સાથે શરૂઆત થઈ છે, પરંતુ Jio Financialના શેરમાં ફરી લોઅર સર્કિટ લાગી છે. ધ્યાનમાં રાખો કે ગઈકાલે લિસ્ટિંગ પછી પણ તેમાં લોઅર સર્કિટ લગાવવામાં આવી હતી, જે સાંજ સુધી ફરી ખુલી ન હતી. આજે શેર માર્કેટની શરૂઆત તેજી સાથે થઈ હતી. આજે BSE સેન્સેક્સ લગભગ 50.09 પોઈન્ટના વધારા સાથે 65266.18 પોઈન્ટના સ્તર પર ખુલ્યો હતો. બીજી તરફ NSEનો નિફ્ટી 18.60 પોઈન્ટના વધારા સાથે 19412.20 પોઈન્ટના સ્તરે ખુલ્યો હતો.
